S7 жана Aeroflot бүгүндөн тарта Евробиримдиктин бардык аэропортторуна каттамдарды жокко чыгарышы керек болчу. Европа Биримдиги Орусиянын бардык авиакомпанияларына Евробиримдиктин аймактарын тейлөөгө жана анын аба мейкиндиги аркылуу учууга тыюу салат. Бул тууралуу алгач ишемби күнү кечинде немис коомдук ARD телеканалы билдирди.
Ошол эле маалда европалык авиакомпаниялар Россиянын аба мейкиндигине кирбей, кеминде бир жумага Орусияга каттамдарын токтотуп жатышат.
Бул өзгөчө Европа менен Чыгыш Азиянын ортосунда бир кыйла узак каттамдарга алып келет.
Ишембиде Lufthansa жана KLM авиакомпанияларынын бир нече рейси Орусиянын аба мейкиндигине кирип, абада бурулуп кетишкен. "Lufthansa учурдагы жана пайда болуп жаткан ченемдик жагдайга байланыштуу келерки жети күн бою Орусиянын аба мейкиндигин колдонбойт. Бул аралыкта Орусияга каттамдар токтотулат.", - деди Lufthansa өкүлү.
Россиянын аба мейкиндигинен качуу Европа менен Чыгыш Азиянын ортосундагы каттамдардын учуу убактысынын кыйла узарышына алып келет.