Түркиянын маданият жана туризм министри Эртугрул Гүнай өлкөнүн туризм тармагындагы тажрыйбасын Иран менен бөлүшөрүн билдирди.
Ишемби күнү төрт күндүк расмий сапар менен Тегеранга келген Гүнай, Иран менен Түркиянын орток диний, тарыхый жана маданий мурастары бар экенин, бул эки өлкөгө ар түрдүү тармактарда, анын ичинде туризмде алакаларын дагы да бекемдөө үчүн эбегейсиз мүмкүнчүлүктөрдү бергенин айтты.
Бул тууралуу ал ишемби күнү Тегеранда Ирандын маданий мурастар, кол өнөрчүлүк жана туризм уюмунун башчысы Хамид Бакайи менен жолугушуудан кийин билдирди.
Гүнай: «2008-жылы Иран менен Түркия туризм тармагында келишимге кол коюшкан жана бул сапарда келишимди жакшыраак ишке ашыруу боюнча демилгелерди карап чыгабыз»,-деди.
Дүйнөдө эң көп туристти тарткан он өлкөнүн тизмесинде Түркия жетинчи орунда экенин кошумчалады.
Өткөн жылы Түркияга 27 миллион турист келген, алардын бир миллионго жакыны ирандыктар.
