Иран менен Индия миңдеген жылдардан бери карым-катнашта болуп келишкен жана көптөгөн маданий мамилелерди бөлүшүп келишкен.
Буга Индиянын Андхра-Прадеш штатынын борбору Хайдарабад мыкты мисал болот. Эски Хайдарабад Ирандын Исфахан шаарынын, айрыкча эски шаардын дарбазасы болгон укмуштай Шарминардын үлгүсү менен жасалган.
Бул илгерки байланыштарды улантуу үчүн Ирандын Маданий Мурас, Туризм жана Кол өнөрчүлүк Уюму (CHTHO) жана Андхра-Прадеш Туризм министрлиги Кутб Шахи күмбөздөрүн калыбына келтирүү боюнча келишимдин долбоорун даярдашты. Бул эстеликтер 1518-1687-жылдар аралыгында теги Ирандан болгон жана Хайдарабадды дээрлик беш кылым мурун башкарган Кули Кутб Шахи династиясы тарабынан курулган.
Бул күмбөздөр жана Кутб Шахи падышаларынын башка эстеликтери перс, патан жана индус формалары аралашкан уникалдуу архитектуралык стилде курулган.
Ирандын Хайдарабаддагы консулдугу мүрзөлөрдү калыбына келтирүү иштерин илгерилетүү үчүн олуттуу аракеттерди көрүп жатат. Долбоорду баалоо үчүн буга чейин бир катар ирандык эксперттер аталган жерге барышкан. Калыбына келтирилгенден кийин Кутб Шахи күмбөздөрүн ЮНЕСКОнун Бүткүл дүйнөлүк мурастар тизмесине каттоого арыз берилет.
Андхра-Прадеш маданият жана туризм министри Анам Раманараяна Редди Иранга июнь айынын аягында күмбөздөрдү калыбына келтирүү боюнча акыркы келишимди түзүү үчүн келиши күтүлүүдө.
Андхра-Прадеш штатынын көпчүлүгү Ирандын мурастарына кызыгышат жана Иранга барууну каалашат, деди Редди 17-майда Хайдарабаддагы кеңсесинде Тегеран Таймс жана Иран Daily гезиттерине берген маегинде.
tehrantimes.com
